(...)
آیرلیق اوخونور سون قرار کیمی
ترک ائدیر سونونجو بیر گومان بیزی
عونوانی سهو دوشن مکتوبلار کیمی
گئریه دونده ریر، بیر هیجران بیزی
* * * * * * * * * * * * * **
بو هیجران تانریدان بیر قَده ر کیمی
بو نیسگیل بلکه ده عومور پاییمیز
باخیشلار یان کئچیر گولله لر کیمی
دوشور یاناقلارا یاش گیلیز - گیلیز
* * * * * * * * * * * * * * *
ائله بیل آیاغی، توتولموش کیمی
گئری یه دونوروک آستاجا، آرام
گئدیرسن قانادی قیریلمیش کیمی
باخیرام گؤینه ییر کؤکسومده یارام
قایناق: شام آغاجی http://vogar3.blogfa.com/